ड्रॅगन पॅलेस मध्ये संविधान प्रतिकृती उभारण्याचा जागतिक विक्रम होणार
श्री. सुनील उत्तमराव साळवे
मुख्य संपादक
Vansh News Digital Web portal online
नागपुर :4 आँक्टोबर 2025
नागपूर मधील जगविख्यात ड्रॅगन पॅलेस टेम्पल ला ग्रीन बस घेण्यासाठी 40 लाखांचा निधी रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना.रामदास आठवले यांनी दिला. या ग्रीन बस द्वारे बौद्ध अनुयायी पर्यटकांना दीक्षाभूमी आणि नागपूर परिसर तसेच बुद्धगया दर्शन सुद्धा करता येईल असे यावेळी सुलेखा ताई कुंभारे यांनी जाहीर केले. या ग्रीन बस साठी आणखी 10 लाखांचा निधी देऊन एकूण 50 लाखांची मदत देण्याचे ना. रामदास आठवले यांनी यावेळी जाहीर केले. 69 व्या धम्मचक्र प्रवर्तन दिना निमित्त नागपूर कामठी येथील सुप्रसिद्ध ड्रॅगन पॅलेस या बुद्ध विहारास रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री रामदास आठवले यांनी भेट दिली.
नागपूर कामठी येथील ड्रॅगन पॅलेस मध्ये जगातील सर्वात मोठ्या आकाराचे भारतीय संविधान ग्रंथ प्रतिकृती उभारण्यात येणार असून त्याची दखल वर्ल्ड रेकॉर्ड मध्ये नोंदली जाणार आहे. त्याचा संकल्प जाहीर करताना संविधान प्रतिकृती चे लोकार्पण रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना. रामदास आठवले यांच्या हस्ते ड्रॅगन पॅलेस मध्ये करण्यात आले. यावेळी संविधान ग्रंथ वाटप सुद्धा ना. रामदास आठवले यांच्या हस्ते करण्यात आले. यावेळी ड्रॅगन पॅलेसच्या प्रमुख सुलेखाताई कुंभारे , संविधान ग्रंथ प्रतिकृती बनविणारे मनीष पाटील आणि रिपाइं युवक आघाडी राज्य अध्यक्ष पप्पू कागदे, दयाळ बहादुर, बाळू घरडे, विनोद थूल राजन वाघमारे आदी अनेक उपस्थित होते.
