श्री.सुनील उत्तमराव साळवे
(9637661378)
मुख्य संपादक
Vansh News Digital Portal media services.
अर्धापुर /नांदेड-23 जुलै 2025
नांदेड जिल्ह्य़ात पुन्हा एक हादरा देणारी घटना घडली. अर्धापूर तालुक्यातील एका गावात तीन तरुणी महाविद्यालयाच्या तिसऱ्या वर्षात शिकतात. 21 जुलै रोजी कॉलेज सुटल्यानंतर दुपारी ह्या तीन तरुणी आप-आपल्या मित्रांसोबत मोटरसायकल ने तामसा रोड येथील प्रसिद्ध हॉटेल गारवा लॉजवर गेल्या. त्यातील एका तरुणीच्या भावाला बहीण लॉजवर गेल्याची माहिती मिळताच तो अल्पवयीन भाऊ आपल्या दोन मित्रांसोबत हॉटेल गारवा लॉजवर पोहचल्यानंतर मोठा राडा झाला. याप्रकरणी, जिवे मारण्याचा प्रयत्न अन् अँट्रॉसिटी अंतर्गत गुन्हा दाखल झाला.
भावाने बहिणीला आणि तरुणाला एका खोलीत रंगेहाथ पकडल्यानंतर दोघात वाद झाला. घाबरलेल्या तरुणीने पहिल्या माळ्यावरुन उडी मारून पळ काढला, यात तिचा एक हाथ मोडला असल्याची माहिती सुत्रांकडुन मिळाली. दरम्यान तरुणीचा अल्पवयीन भाऊ आणि अन्य दोघांनी तरुणाला लॉजमधून बाहेर आणले. त्यानंतर, भोकर फाट्याजवळ आणून त्याला मारहाण करुन पोटात खंजर भोसकल्याची धक्कादायक घटना घडली आहे. या हल्ल्यात तरुण गंभीर जखमी झाला असून त्याच्यावर खासगी रुग्णालयात उपचार सुरू आहेत. तर, जखमी तरुणीवर सरकारी रुग्णालयात उपचार सुरू आहेत.
21 जुलै रोजी कॉलेज सुटल्यानंतर तीन तरुणांनी आम्हा तिघींना बळजबरी दुचाकीवर बसवून लॉजवर नेले आणि त्यात अत्याचार केल्याची तक्रार पीडित तरुणीने दिली आहे. त्यावरुन, पोलिसांनी तिघांवर अत्याचार आणि ॲट्रॉसिटीचा गुन्हा दाखल केला. तर मारहाण झालेल्या तरुणाच्या तक्रारीवरुन अल्पवयीन आरोपीसह तिघांवर जिवे मारण्याचा प्रयत्न केल्याचा गुन्हा दाखल झाला आहे. या प्रकरणी सखोल तपास सूरू असल्याचे पोलीस अधिक्षक अविनाश कुमार यांनी सांगितले.
